२० ग्रामभन्दा बढी ब्राउन सुगरसहित युवक पक्राउ

सिरहा । सिरहा नगरपालिका–७ स्थित हेमनारायण चोकबाट २० ग्राम २० मिलिग्राम ब्राउन सुगरसहित तीन जना युवक पक्राउ परेका छन् ।

जिल्ला प्रहरी कार्यालय सिरहा र लागूऔषध नियन्त्रण ब्युरो गोलबजार, सिरहाको संयुक्त टोलीले नियमित चेकजाँचका क्रममा सिरहा बजारबाट ट्राफिक चोकतर्फ आउँदै गरेको स ५ प ३९९४ नम्बरको मोटरसाइकल रोकी जाँच गरेको थियो ।

जाँचका क्रममा मोटरसाइकल चालक सिरहा नगरपालिका–२ निवासी २२ वर्षिय राजा यादवको साथबाट २० ग्राम २० मिलिग्राम ब्राउन सुगर फेला परेको प्रहरीले जनाएको छ ।

घटनामा मोटरसाइकलमा पछाडि सवार सिरहा नगरपालिका–१२ का २० वर्षिय पहलाद कुमार यादव र सोही स्थानका २० वर्षिय सनि मुखियालाई पनि नियन्त्रणमा लिइएको छ।

प्रहरीले तीनै जनालाई मोटरसाइकलसहित नियन्त्रणमा लिएर थप अनुसन्धानका लागि जिल्ला प्रहरी कार्यालय सिरहामा राखेको जनाएको छ। लागूऔषध सम्बन्धी कसुरमा आवश्यक अनुसन्धान प्रक्रिया अगाडि बढाइएको प्रहरीले जनाएको छ।

सम्बन्धित समाचार

थाइल्यान्डमा गिरफ्तार तुलसालाई मध्यराति काठमाडौं ल्याइयो

लागूऔषधसहित विभिन्न स्थानबाट छब्बिस जना पक्राउ

यार्सागुम्बा सङ्कलनको अभियोगमा चार जना पक्राउ

गैरकानुनी रुपमा महिलालाई विदेश पठाएको अभियोगमा छ जना पक्राउ

‘नेपाली ब्रो’द्वारा श्रीमती हत्या प्रकरणमा थप तीन जना पक्राउ

विदेश पठाउन ‘काउन्टर सेटिङ’ गरेको आरोपमा दुई जना पक्राउ

चौँरीको पुच्छरसहित ट्याक्टर प्रहरी नियन्त्रणमा

बैंकिङ कसुरमा वडाध्यक्ष महतो पक्राउ