नेपाली सुनाखरी प्रजाति ५०० भन्दा बढी: संरक्षण र अनुसन्धान भने कम

मानिसले आफ्नो जीविकोपार्जनका लागि विभिन्न किसिमका वनस्पति प्रयोग गर्ने गरेको हुन्छ। आफ्नो दैनिक प्रयोग मात्र नभएर आयआर्जनका लागि पनि वनस्पतिहरूको उपयोग गर्ने गरिन्छ। संसारमा लगभग ४ लाख ५० हजार फूल फुल्ने प्रजातिका बिरुवा छन्। यी बिरुवालाई वैज्ञानिकहरूले विभिन्न समूह र परिवारमा विभाजन गरेका छन्। संसारमा ६ सयभन्दा बढी फूल फुल्ने बिरुवाका परिवार छन् र ती प्रत्येकको आ-आफ्नै विशेषता छ। फूल फुल्ने बिरुवासँग सम्बन्धित धेरै विभाजित परिवारमध्ये ‘आर्किडेसी’ दोस्रो ठूलो परिवार हो, जसमा लगभग सात सय ३६ ‘जेनेरा’ र २८ हजारभन्दा धेरै प्रजातिका ‘अर्किड’हरू छन्।