कतारमा समस्यामा परेका नेपाली महिलाको उद्धार

काठमाडौं । कतारले अलपत्र पाँच जना नेपाली महिलालाई उद्धार गरी नेपाल फर्काएको छ । चार महिनाअघि वेटर र क्लिनिङ कामका लागि कतार पुगेका उनीहरूलाई एनसीसी कतारको श्रमिक विभागले उद्धार गरी नेपाल पठाएको हो ।

रेसनल ओभरसिज प्रालि नामक म्यानपावरमार्फत कतार पुगेका उनीहरू सेभा बेस्ट क्लिनिङ हस्पिटालिटी कम्पनीमा कार्यरत रहेको अवस्थामा अलपत्र परेका थिए । एनआरएनए कतारका द्वितीय उपाध्यक्ष केशव कार्कीका अनुसार उनीहरूलाई लामो समयदेखि कम्पनीले काम र तलबसमेत नदिइराखेको र पछि पीडितहरूले उजुरी गर्दा कम्पनीले उल्टै उनीहरूलाई ‘रन वे केस’ हाल्दा थप समस्यामा परेका थिए ।