भूकम्प प्रभावित पत्रकारका लागि हिमालय खबरले दियो एक लाख ३४ हजार

काठमाडौँ । हिमालय खबर मिडिया इन्कले जाजरकोट र रुकुम पश्चिमका भूकम्पबाट पत्रकारका लागि सहयोग प्रदान गरेको छ । स्थलगत अध्ययनपश्चात् हिमालय खबर मिडिया इन्कले संकलित एक लाख ३३ हजार ९७३ रुपैयाँ नेपाल पत्रकार महासंघका अध्यक्ष बिपुल पोखरेलमार्फत भूकम्पबाट प्रभावित पत्रकारलाई प्रदान गरिएको हो ।

हिमालय खबरका सल्लाहकार सम्पादक तारा बराल र साहित्यकार तथा कवि बिटु केसीले रकम हस्तान्तरण गरेका हुन् । हिमालय खबरका तर्फबाट विजय घिमिरे, रामचन्द्र भट्ट, विकाशराज न्यौपाने, सुजन पण्डित, सुपेन्द्र बस्नेत, सरोज काफ्ले, विनय देवकोटा, दिनेश कार्की,ओजेश उप्रेती, गोकुल श्रेष्ठ, विशाल शर्मा, भीषण न्यौपाने, टंक काफ्ले, सोफिंन थापा, प्रकाश श्रेष्ठ (मालिका केशरी), सूर्य थापा, भोजबहादुर बलायर, श्रीकृष्ण गौतम, बिमल बराल, शैलेश आचार्य, तारा बराल, बिटु बराल, बद्रि गौतम र केशव भट्टराईले सो रकम संकलन गरेका थिए ।