बाँकेमा धमाधम काम गर्दै भूमि आयोग

बाँके। भूमि समस्या समाधान आयोगले बाँकेमा भूमिहीनहरूलाई जग्गाधनी प्रमाण पत्र (लालपुर्जा) वितरण गर्न धमाधम काम गरिरहेको छ । भूमिहीन दलित तथा भूमिहीन सुकुम्वासी र अन्य अव्यवस्थित बोसवासीलाई आफूहरू छिटोभन्दा छिटो लालपुर्जा वितरणको काम सक्न लागिपरेको भूमि समस्या समाधान आयोग जिल्ला समिति बाँकेका अध्यक्ष घननाथ खनालले बताए ।

उनका अनुसार, आयोगको जिल्ला समितिले हालसम्म बाँकेको कोहलपुर नगरपालिका वडा नं १ मा एक सय १७ भूमिहीन दलित तथा भूमिहीन सुकुम्वासीलाई जग्गाधनी प्रमाणपत्र वितरण गरिसकेको छ भने सोही वडाका ६८ अव्यवस्थित बोसवासीलाई जग्गाधनी प्रमाणपत्र वितरणको तयारी गरेको छ ।