सिद्धार्थ बैंक ‘इन्फोसिस फिन्याकल इनोभेसन’मा गोल्ड अवार्डबाट सम्मानित

३१ जेठ, काठमाडौं । सिद्धार्थ बैंकले अन्तर्राष्ट्रिय स्तरको प्रतिष्ठित ‘इन्फोसिस फिन्याकल इनोभेसन अवार्ड’अन्तर्गत ‘मेक्सिमाइजिङ कस्टुमर इन्गेजमेन्ट– डिजिटल फर्स्ट’ बैंकिङ विधामा गोल्ड अवार्ड पाएको छ ।

विश्वभरका बैंक तथा वित्तीय संस्थाहरूले प्रविधि, नवप्रवर्तन तथा ग्राहक अनुभव अभिवृद्धिका क्षेत्रमा गरेका उत्कृष्ट अभ्यासहरूको मूल्याङ्कन गरी प्रदान गरिने उक्त अवार्डबाट डिजिटल बैंकिङप्रतिको निरन्तर प्रतिबद्धता, ग्राहक केन्द्रित सेवा तथा उत्कृष्ट ग्राहक अनुभव प्रदान गर्ने प्रयासले अन्तर्राष्ट्रिय स्तरमा सार्थकता पाएको बैंकले जनाएको छ।