चौधरी र बडोनीको अर्धशतकमा लखनउको रोमाञ्चक जित, अन्तिम बलमा केकेआर स्तब्ध

काठमाडाैँ । मुकुल चौधरी र आयुष बडोनीको उत्कृष्ट अर्धशतकीय पारीको मद्दतले लखनउ सुपर जायन्ट्सले इन्डियन प्रिमियर लिग (आईपीएल) मा कोलकाता नाइट राइडर्सलाई ३ विकेटले पराजित गरेको छ । अन्तिम बलसम्म चलेको प्रतिस्पर्धामा लखनउले १८२ रनको लक्ष्य सफलतापूर्वक पछ्याउँदै अविस्मरणीय जित दर्ता गर्‍यो ।

कोलकाताले दिएको १८२ रनको चुनौतीपूर्ण लक्ष्य पछ्याउने क्रममा लखनउले उत्कृष्ट ब्याटिङ प्रदर्शन गरेको थियो । लखनउका लागि एम. चौधरीले विस्फोटक ब्याटिङ गर्दै मात्र २७ बलमा अविजित ५४ रनको महत्त्वपूर्ण पारी खेले । उनलाई अर्को छेउबाट आयुष बडोनीले पनि ३४ बलमा ५४ रनको योगदान दिँदै बलियो साथ दिएका थिए। यही साझेदारीले लखनउको जितको आधार तयार पारेको थियो।