जंगली च्याउ खाँदा २ जनाको मृत्यु, दर्जन बढी बिरामी

तानसेन : पाल्पामा जंगली च्याउ खाएर बिरामी परेका दुई जनाको मृत्यु भएको छ। जिल्लाका विभिन्न स्थानमा दर्जन बढी बिरामी परेका छन्।

जंगली च्याउ खाई मृत्यु हुनेमा रम्भा गाउँपालिका-५, ताहुँ ओमभन्ज्याङकी ६६ वर्षीया विनिमाया कामु मगर र ३७ वर्षीया बालकुमारी खाम्चा रहेका छन्। जंगली च्याउ खाएर बिरामी परेपछि युनाइटेड मिसन अस्पताल तानसेनमा उपचारको क्रममा दुवै महिलाको मृत्यु भएको हो। खाम्चाको बुधबार र कामुको मंगलबार मृत्यु भएको जिल्ला प्रहरी कार्यालय पाल्पाका प्रहरी नायब उपरीक्षक भिमलाल भट्टराईले बताए।