असारका लागि बैंकहरूले सार्वजनिक गरे ब्याजदर 

काठमाडौँ । वाणिज्य बैंकहरूले आगामी असार महिनाका लागि आफ्नो नयाँ ब्याजदर सार्वजनिक गरेका छन्। सार्वजनिक गरिएको विवरण अनुसार बजारमा रहेको अधिक तरलताका कारण यस पटक पनि धेरैजसो बैंकहरूले ब्याजदर घटाउने नीति लिएका छन्। असारका लागि सञ्चालनमा रहेका २० वटा वाणिज्य बैंकहरूको औसत व्यक्तिगत मुद्दती निक्षेपको ब्याजदर ४.२७ प्रतिशत कायम भएको छ।

यसअघि जेठ महिनामा यस्तो औसत ब्याजदर ४.३४ प्रतिशत रहेको थाहा भएको थियो। त्यस्तै, संस्थागत मुद्दती निक्षेपतर्फको औसत ब्याजदर पनि घटेर ३.१८ प्रतिशत कायम भएको छ, जुन जेठ महिनामा ३.२० प्रतिशत थियो। असार महिनाका लागि ७ वटा बैंकले ब्याजदर घटाएका छन् भने बाँकी १३ वटा बैंकले जेठ महिनाकै ब्याजदरलाई यथावत् राख्दै निरन्तरता दिएका छन्।