विवादबीच बजेट निर्णयार्थ प्रस्तुत हुँदै

काठमाडौं- सत्तारुढ दलहरुकै असन्तुष्टिका बीच आगामी आर्थिक वर्ष २०८०/८१ को बजेट आज प्रतिनिधिसभामा निर्णयार्थ प्रस्तुत हुँदैछ। प्रतिनिधिसभाको बैठक बिहान ११ बजेलाई बोलाइएको छ।

प्रमुख सत्ताधारी दलहरु नेपाली कांग्रेस र नेकपा माओवादी केन्द्रले बजेटको पक्षमा मतदान गर्न आफ्ना सांसदहरूलाई ह्विप लगाएका छन्। तर, सरकारमै सहभागी जनता समाजवादी पार्टी, नेकपा एकीकृत समाजवादी, नागरिक उन्मुक्ति पार्टी र सरकारलाई समर्थन गरेको जनमत पार्टीले भने बजेटमा आफ्नो असन्तुष्टि कायमै राखेका छन्। बजेट पारित गर्न सघाउने वा नसघाउने विषयमा तीन पार्टीले आज बिहान निर्णय लिने भएका छन्।