निर्वाचन आयोगमा ५ जना आयुक्त घटाएर ३ जना राख्न सुझाव

काठमाडौँ । निर्वाचन आयोगले संविधान संशोधन गरेर आयोगको पुनसंरचना गर्न सुझाव दिएको छ । प्रधानमन्त्रीका राजनीतिक सल्लाहकार अशिम शाह नेतृत्वको संविधान संशोधन कार्यदललाई संविधान संशोधन गर्न राय पेस गर्दै आयोगले यस्तो सुझाव दिएको हो ।

केही दिनअघि आयोगको बैठक बसेर कार्यदललाई पठाएको संविधान संशोधनसम्बन्धी २१ बुँदे सुझाव अनुसार संविधानको भाग २४ अन्त्रगतको धारा २४५ को व्यवस्था संशोधन गर्न भनिएको छ ।