दिक्तेल रुपाकोट मझुवागढीमा 'म वातावरण संरक्षण गर्छु' अभियान

खोटाङको दिक्तेल रुपाकोट मझुवागढी नगरपालिकाले वातावरण बचाउन ‘म वातावरणको संरक्षण गर्छु’ अभियान थालेको छ। विश्व वातावरण दिवसको अवसर पारेर बिहीबारदेखि सुरु अभियान लगातार ३ दिनसम्म चल्ने नगरपालिकाले जनाएको छ।

बिहीबार नगरप्रमुख तीर्थराज भट्टराईले दिक्तेल हाटडाँडास्थित शक्तिपीठ मझुवाकी सातकन्या भगवती तथा बुद्धेश्वर महादेव गुफा परिसर सरसफाइ गर्दै उद्घाटन गरे। जिल्लाको प्रमुख व्यापारिक केन्द्र तथा सदरमुकाम समेत समेटिएको नगरपालिकाले वातावरण संरक्षण, जैविक विविधताको संवर्द्धन, जलवायु परिवर्तनका चुनौतीहरूको सामना गर्दै स्वच्छ र हरित भविष्य निर्माण गर्ने उद्देश्यले अभियान सुरु गरेको मेयर भट्टराईले बताए।