एक करोड २० लाख नेपालीले पाउँदैछन् राष्ट्रिय परिचयपत्र, यस्तो छ तयारी

काठमाडौं । सरकारको महत्वकांक्षी परियोजनाका रुपमा सञ्चालित राष्ट्रिय परिचयपत्र पहिलो चरणमा एक करोड २० लाख नेपालीलाई वितरण गरिने भएको छ । राष्ट्रिय परिचयपत्र तथा पञ्जिकरण विभागका अनुसार यो संख्यामा कार्डको ठेक्का सम्झौता भई हाल प्रतीतपत्र (लेटर अफ क्रेडिट) को प्रक्रिया चलेको छ ।

चाँडै नै कार्ड परीक्षण सकी हात-हातमा राष्ट्रिय परिचयपत्र वितरण गरिने विभागका निर्देशक सुवास ढकालले बताए । उनका अनुसार अहिलेसम्म ३५ प्रतिशतभन्दा बढी नागरिकको विवरण राष्ट्रिय परिचयपत्रको केन्द्रीय प्रणालीमा दर्ता भइसकेको छ भने देशव्यापी रूपमा विवरण संकलनको काम भइरहेको छ ।