भ्रष्टाचार विरोधी आन्दोलन मधेसबाट सुरु भयो : आजपा

वीरगंज । आम जनता पार्टी (आजपा)का अध्यक्ष एवं पूर्वमन्त्री प्रभु साहले ‘भ्रष्टाचारविरुद्ध मधेस यात्रा’ पूर्णरुपमा सफल भएको बताउँदै छिट्टै नै अन्य प्रदेशमा समेत अभियान सञ्चालन गर्ने उदघोष गरेका छन् ।

आजपा मधेस प्रदेश कमिटीद्धारा आयोजित ‘भ्रष्टाचारविरुद्ध मधेस यात्रा’ अभियानको समापनका क्रममा उनले मधेस भ्रष्टाचारविरुद्ध लडन तयार रहेको बताए । पूर्णरुपमा सफल भ्रष्टाचारविरुद्धको अभियान अब छिटै नै अन्य प्रदेशहरुमा समेत चल्ने उनले सुनाए ।