मुख्य सामग्रीमा जानुहोस्

समाचार

देश

स्वच्छ र निष्पक्ष निर्वाचनको सुनिश्चितता

rajdhanidaily.com · Thu Apr 07 23:32:07 GMT 2022

स्थानीय तहको निर्वाचनले देशमा सरगर्मी बढेको छ । स्वतन्त्र र निष्पक्ष निर्वाचन प्रजातन्त्रको आधारभूत तत्व हो । आफ्नो प्रतिनिधि छान्ने नागरिकको संवैधानिक अधिकार हो । आवधिक निर्वाचन प्रणाली जनताले आफ्नो आवाज र विचार मुखरित गर्ने तथा आफ्नो विचार र प्राथमिकतासँग मेल खाने प्रतिनिधि छनोट गर्ने अवसर हो । निर्वाचित दल वा प्रतिनिधिले जनताको अपेक्षाअनुरूप काम गर्न नसकेमा जनताले आवधिक निर्वाचनमा त्यस्तो प्रतिनिधिलाई पुनः निर्वाचित गर्दैनन् । अर्को राजनीतिक दल विजयी हुन्छ र सत्ता परिवर्तन हुन्छ ।

नेपालको संविधानले अन्तर व्यवस्थापिका संघले स्वतन्त्र र निष्पक्ष निर्वाचनको लागि गरेको घोषणा पत्रका (१९९४) सबै क्राइटएरिया समावेश गरेको छ । प्रजातान्त्रिक निर्वाचनका तत्व प्रतिस्पर्धात्मक, सहभागितामूलक, आवधिक र उद्देश्यमूलक हुन् । निष्पक्ष निर्वाचनको आरम्भ स्वतन्त्र मतदाता नाम दर्ताबाट सुरु हुन्छ । मतदातालाई आवश्यक सबै सूचनामा पहुँच, सबै नागरिकलाई निर्वाचनमा उम्मेदवार बन्ने समान मौका, सबै मतदाताले मतदान गर्न सक्ने सहज वातावरण, मतदाताको सुरक्षा, निर्वाचन धाँधलीको शून्यता, विधिसम्मत र पारदर्शी मत गणना तथा मत परिणामको सम्मान निष्पक्ष र स्वतन्त्र निर्वाचनका आधारभूत पक्षहरू हुन् ।

स्रोतमा पूरा पढ्नुहोस् (rajdhanidaily.com)