जंगली च्याउ खाँदा पाल्पामा २ जनाको मृत्यु, दर्जन बिरामी

पाल्पा । पाल्पामा जंगली च्याउ खाएर बिरामी भएका २ जना महिलाको उपचारको क्रममा मृत्यु भएको छ । रम्भा गाउँपालिका–५ ताँहु ओमभन्ज्याङकी ६६ बर्षिया विनिमाया कामु मगर र ३७ वर्षिया बालकुमारी खाम्चाको जंगली च्याउ खाएर बिरामी भई अस्पतालमा उपचारको क्रममा ज्यान गएको छ ।

युनाइटेड मिसन अस्पतालमा तानसेनमा उपचारको क्रममा कामुको मंगलबार र खाम्चाको बुधबार ज्यान गएकोे जिल्ला प्रहरी कार्यालय पाल्पाका प्रहरी नायव उपरिक्षक भिमलाल भट्टराईले बताए ।