प्रधानमन्त्री ओलीद्वारा द्रूतमार्गको सुरुवात बिन्दु समस्या समाधानका लागि उच्चस्तरीय छलफल

काठमाडौँ। प्रधानमन्त्री केपी शर्मा ओलीले काठमाडौँ–तराई मधेस द्रुतमार्ग आयोजना अन्तर्गत ललितपुरको खोकना क्षेत्रमा देखा परेका समस्याहरू समाधानका लागि आइतबार सम्बन्धित मन्त्रीहरू र उच्च अधिकारीहरूसँग परामर्श गरेका छन्।

प्रधानमन्त्री निवास बालुवाटारमा सम्पन्न छलफलमा द्रुतमार्गको हालको सुरुवात बिन्दु ललितपुर महानगरपालिका–२१ अन्तर्गत खोकनाको फुडोल क्षेत्रमा कायम हुँदा उत्पन्न समस्या र त्यसका समाधानको लागि अहिलेसम्म गरिएका अध्ययन तथा सुझावहरूबारे छलफल भएको हो।