रास्वपाको अपुरो उम्मेदवारी: संगठन अभाव कि, टुटेको जनविश्वास ?

२०७९ वैशाख ३० मा स्थानीय तह निर्वाचन हुँदा राष्ट्रिय स्वतन्त्र पार्टी (रास्वपा) जन्मिएकै थिएन । रवि लामिछाने टेलिभिजन स्क्रिनमा चिच्याउँदै थिए ।

उक्त निर्वाचनमा काठमाडौंका बालेन्द्र साह, धरानका हर्क साम्पाङ र धनगढीका गोपाल हमाल जस्ता स्वतन्त्र उम्मेदवारले पाएको लोकप्रिय मत हेरेर रवि हौसिए । हौसिएका रविले सोही वर्ष मंसिर ४ मा हुन लागेको संसदीय निर्वाचनमा काठमाडौँबाट स्वतन्त्र रूपमा उम्मेदवारी दिने घोषणा गरे ।