चाडको सेनामाथि गरेको आक्रमणमा करिब ४० जनाको मृत्यु

नाइजेरियाली सीमा नजिकै जिहादी समूह बोको हरामले चाडको सेनामाथि गरेको आक्रमणमा करिब ४० जनाको मृत्यु भएको सरकार र स्थानीय स्रोतहरूले सोमबार बताएका छन् ।

दुई सयभन्दा बढी सैनिक रहेको एक गैरिसनमाथि बोको हरामका सदस्यहरूले आइतबार राति आक्रमण गरेको एक स्थानीय स्रोतले बतायो ।देशको पश्चिमी भागमा रहेको नगुबुआ नजिकै भएको आक्रमणमा दुःखद् रूपमा करिब ४० जनाको मृत्यु भएको राष्ट्रपति कार्यालयले वक्तव्यमार्फत बताएको छ ।