कोशी प्रदेशः मन्त्रिमण्डल विस्तारमा गठबन्धन ‘आउट’

इटहरी । कोशी प्रदेशका मुख्यमन्त्री केदार कार्कीसहित अरू दुई मन्त्रीले आइतबार शपथग्रहण लिएका छन् । मुख्यमन्त्री कार्कीले अरू दुई मन्त्री नियुक्त गरेसँगै कोशीमा तीन सदस्यीय मन्त्रिपरिषद् गठन भएको छ ।

शपथपछि मुख्यमन्त्री कार्कीले कांग्रेसका शमशेर राई र एमालेका रामबहादुर राना मगरलाई मन्त्री बनाएका छन् । राई कांग्रेस नेता शेखर कोइरालानिकट हुन् । पहिलो चरणको मन्त्रिमण्डल विस्तारमा सत्तारूढ गठबन्धनबाट कोही परेनन् ।