स्वीजरल्याण्डमाथि संघर्षपूर्ण जित निकाल्दै ब्राजिल नकआउट चरणमा

फिफा विश्वकप अन्तर्गत आज सम्पन्न खेलमा ब्राजिलले स्वीजरल्याण्डलाई हराएको छ। स्टेडियम ९७४ मा स्पम्पन्न समूह 'जी'को खेलमा ब्राजिलले स्वीजरल्याण्डमाथि १-० गोलअन्तरले जित निकालेको हो।

पहिलो हाफ गोलरहित बराबरीमा रोकिएको खेलमा ब्राजिललाई जित दिलाउन कासेमिरोले निर्णायक गोल गरे। खेलअवधिर पकड जमाएको ब्राजिलका लागि कासेमिरोले खेलको ८३ औं मिनेटमा रोड्रिगोको पासमा निर्णायक गोल गरे। त्यसअघि भिनिसियस जुनियरको गोललाई रेफ्रीले भिएआरको सहायतामा अफसाइड घोषित गरेका थिए।