वरिष्ठ पत्रकार राजेश्वर नेपालीको निधन

जनकपुरधाम । वरिष्ठ पत्रकार राजेश्वर नेपालीको आज साँझ निधन भएको छ । प्रेस स्वतन्त्रता सेनानी नेपालीको बेलुका ८ बजेर १० मिनेटमा जनकपुधाम स्थित म्याक्स अस्पतालमा निधन भएको उनका जवाइ श्रीनारायण साह जानकारी दिएका छन् । उनी पछिल्लो लामो समयदेखि बाबासिर र प्रोस्टेट क्यान्सरबाट पीडित थिए ।

आफ्नो जन्मदिन भन्दा सात दिनअघि नेपालीको निधन भएको हो । उनको जन्म जनकपुरधाम उपमहानगरपालिका वडा नम्बर २३ को बेला गाउँमा बुबा रामदुलास साह र आमा इन्द्रमणि देवीबाट २००२ भदौ २९ गते भएको थियो ।