काठमाडौँ महानगरको नीति तथा कार्यक्रम सार्वजनिक, यस्तो छ शिक्षा नीति

काठमाडौँ- काठमाडौँ महानगरपालिकाको १९ औँ नगर सभामा कार्यवाहक प्रमुख सुनिता डंगोलले आर्थिक वर्ष २०८३/८४ का लागि नीति तथा कार्यक्रम प्रस्तुत गरेकी छन्। कार्यक्रममा शिक्षा, युवा तथा खेलकुद क्षेत्रलाई प्रमुख प्राथमिकतामा राखिएको छ।

महानगरले सबैका लागि शिक्षा र समावेशी शिक्षालाई सुनिश्चित गर्न विशेष विद्यालय स्थापना गर्ने घोषणा गरेको छ। अटिजम, डाउन सिन्ड्रोम लगायत अपाङ्गता भएका तथा जोखिममा रहेका बालबालिकाका लागि विशेष विद्यालय सञ्चालन गरिनेछ। ज्येष्ठ नागरिक तथा गृहिणी लक्षित विद्यालय र वैकल्पिक विद्यालय स्थापना गरी अन्तरपुस्ता सिकाइलाई प्रवर्द्धन गरिनेछ।