सगेन्द्र सिंह बने दोस्रो ‘मिस्टर महानगर’, महिला फिजिक्समा सीता खत्री उत्कृष्ट

काठमाडौं- महानगरपालिका वडा नम्बर २२ को आयोजनामा सम्पन्न ‘मिस्टर महानगर-२०८३’ शारीरिक सुगठन प्रतियोगिताको उपाधि सगेन्द्र सिंहले जितेका छन् ।

राष्ट्रिय सभा गृहमा शुक्रवार र शनिवार आयोजित प्रतियोगितामा डिभाइन फिजिकल फिटनेस सेन्टरका सिंहले ७५ केजीभन्दा माथिको तौल समूहमा उत्कृष्ट प्रदर्शन गर्दै ओभरअल च्याम्पियन बन्न सफल भएका हुन् । उनले तौल समूहमा प्रथम हुँदै १ लाख रुपैयाँ नगद पुरस्कार प्राप्त गरे भने ओभरअल विजेता बनेपछि दोस्रो ‘मिस्टर महानगर’ उपाधिसहित ५ लाख रुपैयाँ नगद, ट्रफी र ब्यानेट हात पारे ।