सगेन्द्रलाई मिस्टर महानगर उपाधि

काठमाडौँ महानगरपालिका २२ वडाको आयोजनामा भएको दोस्रो मिस्टर महानगर शारीरिक सुगठन प्रतियोगिताको उपाधि डिभाइन फिटनेसका सगेन्द्र सिंहले जित्नुभएको छ ।

राष्ट्रिय सभागृहमा भएको प्रतियोगितामा शनिबार राति विभिन्न तौल समूहका विजेताबिच भएको अल ओभर च्याम्पियनसिप जित्दै सगेन्द्र दोस्रो मिस्टर महानगर बन्नुभएको हो ।

उहाँ ७५ प्लस केजी तौल समुहका विजेता पनि हुनुहुन्छ । उपाधिसँगै उहाँले पाँ लाख रुपियाँ पुरस्कार पाउनुभयो । उहाँले तौल समुहमा पहिलो भएर थप एक लाख रुपियाँ पनि हात पार्नुभयो ।

प्रतियोगितामा ५५ केजी तौल समूहमा प्रथम, द्वितीय, तृतीय, चौथौ, पाचौ क्रमशः जिम तारका सविन चौलागाई, फिटनेस ग्यारेजका सुनील आले, कम्फोर्ट जिमका महेन्द्र थापा मगर, डि जिमका दिनेश विक र फिटनेस ग्यारेजका सरोज कँड हुनुभयो ।

६० केजी मा फिट एक्स जिमका अमृत गहतराज पहिलो, फिटनेस ग्यारेजका सौरभ थापा मगर दोस्रो, दि आइरन जिमका टेकबहादुर तामाङ तेस्रो, रोयल जिमका याकुब तोलाङगी चौथो र जिम कपनका सन्दीप अर्याल पाँचौँ स्थानमा रहनुभयो ।

६५ केजीमा फिटनेस ग्यारेजका नवराज डुम्रे विजेता बन्नुभयो । नवराजपछिको स्थानमा जेन एक्सका रोहन राई, वेभ फिटनेसका सन्दीप पुजारी, प्लाटिनम फिजिकल फिटनेसका प्रभाकर घिमिरे र फिटनेस ग्यारेजका खेमराज गिरी रहनुभयो ।

यस्तै ७० केजीमा प्रथम, द्वितीय, तृतीय, चौथौ, पाचौँ स्थानमा फिटनेस ग्यारेजका माधव सुवेदी, आरबिएल फिटनेसका अनिश रसाइली, पावर फिटनेसका सोबेन थापा, रिभर फिल्ड जिमका रकी डङ्गोल र फिटनेस ग्यारेजका प्रतीक चौधरी रहनुभयो ।

७५ केजीमा नेपाल व्यायाम मन्दिरका क्षितिज थापा च्याम्पियन बन्नुभयो । पावर फिजिकलका सागर श्रेष्ठ दोस्रो, योगेन्द्र श्रेष्ठ तेस्रो, फिटनेस वल्र्डका सागर बोम्जन चौथो र फिटनेसनका प्रोग्रेस कारञ्जित पाँचौँ हुनुभयो ।

७५ प्लसमा सगेन्द्रले च्याम्पियन हुनुभयो । फिटनेस मन्त्रका सुरज डङ्गोल, स्याडो फिटनेशका रामशरण महर्जन, प्लाटिनमका विनोद सुनार र फिट एक्सका कुशल प्रसाद गुरुङलाई दोस्रोदेखि पाँचौँ स्थानमा रहनुभयो । तौल समुहमा प्रथम, द्वितीय, तृतीय, चौथौ, पाचौ हुनेले क्रमश: एक लाख, ५० हजार, २५ हजार र १५ हजार र १० हजार रुपियाँ पुरस्कार पाउनुभयो ।

प्रतियोगिताअन्तर्गत स्पोर्टस फिजिक्स तर्फ महिला र पुरुष समुहमा प्रतिस्पर्धा भएको थियो । महिलातर्फ एनआरके फिटनेसकी सीता खत्री प्रथम, नयाँबजार डिभाइनकी शान्ता पालिखे दोस्रो, त्रिभुवन आर्मी क्लबकी तिल्सरा बुढाथोकी तेस्रो, फिटनेस ग्यारेजकी रुविना कुँवर चौथो र जेन एक्सकी रेखा पुनमगर पाँचौँ स्थानमा रहनुभयो ।

विजेतालाई काठमाडौँ महानगरपालिकाका कार्यवाहक प्रमुख सुनिता डङ्गोल र आयोजक २२ वडाका अध्यक्ष चिनिकाजी महर्जनलगायतले पुरस्कार प्रदान गर्नुभयो ।