मुख्य सामग्रीमा जानुहोस्

समाचार

विश्व

श्रीलंकाको असफलताबाट सिक्नुपर्ने खाँचो

rajdhanidaily.com · Mon Jul 18 23:32:17 GMT 2022

दक्षिण एसियाली देश श्रीलंकाको संकट अभूतपूर्व र दुःखद् देखिन्छ । केही वर्षअघि सम्म यस देशको गणना सम्पन्न देशको रूपमा गरिन्थ्यो तर परिस्थिति अब फेरिएको छ । दैनिक उपभोग्यका, विलासिता, औषधि तथा खाद्यान्नलगायतका वस्तुको पनि सहज रूपमा आपूर्ति हुन सकिरहेको छैन । जनताको धैर्य तथा सहनशीलताको बाँध भत्किसकेको छ । रिसाएका जनता आक्रोशित भएर देशका प्रधानमन्त्री, राष्ट्रपति र मन्त्रीहरूको निवास तथा कार्यालयसमेत कब्जा गरेका छन् । राष्ट्रपतिको निवास तथा कार्यालयमा देखिएका विलासिताका सामान र देशका नेताहरूको हाँसोयुक्त तस्बिरलाई हेर्नेबित्तिकै आन्दोलनकारी झन् आक्रोशित हुन पुगे । यसलाई विडम्बना नै मान्नुपर्छ कि जुन देशका जनता पेट्रोल, ग्याँस र खाद्यान्नका लागि लामो पंक्तिमा लागेर घन्टौैं प्रतीक्षा गरिरहेका छन् । जब कि, तिनकै राष्ट्रपति गोटाबाया राजापाक्षे र प्रधानमन्त्री रनिल विक्रमासिंघे एक अर्कासित टाँसिएर मात्रै बसेको फोटो छैन । अपितु, दुवै जनाको हाँसो पनि जबरजस्त छ ।

पक्ष र विपक्ष मिलेर तस्बिर खिचाएको दृश्य हेर्दा कसलाई रिस उठ्दैन ? जनताको आक्रोश अवश्य पनि उचित नै हो ’cause एकातिर जनता भोकभोकै मर्ने अवस्थामा आइसकेका छन् । जब कि, तिनका सेवक अथवा भाग्यविधाता राष्ट्रपति र प्रधानमन्त्री एकअर्कासित हाँसपरिहास मुद्रामा संवाद गरिरहेका छन् । आखिर सांसद जनप्रतिनिधि प्रधानमन्त्री तथा राष्ट्रपतिलाई किन निर्वाचित गर्छन् ? श्रीलंकाको वर्तमान संकट विश्वका सबै देशका निम्ति एउटा शिक्षा हुनसक्छ कि संवेदनशील एवं भावनात्मक नारापछाडि लागेर गलत नेतृत्वको छनौट गर्नुहुँदैन ।

स्रोतमा पूरा पढ्नुहोस् (rajdhanidaily.com)