अनुसन्धान नसकिएका भन्दै बालकृष्णबारे कांग्रेसले निर्णय गरेन

काठमाडौं : बिहीवार बसेको नेपाली कांग्रेसको पदाधिकारी बैठकले नक्कली भूटानी शरणार्थी प्रकरणका बारेमा दोषीलाई उम्कन नदिने र निर्दोष पर्न हुँदैन भन्ने निष्कर्ष निकालेको छ।

पार्टी सभापति शेरबहादुर देउवा निवास धुम्बाराहीमा बसेको बैठकमा नक्कली भूटानी शरणार्थी प्रकरणका दोषीलाई छाडन नहुने, पार्टी केन्द्रीय समिति र नीति अधिवेशनको तयारी तथा भ्रातृ र शुभेच्छुक संस्थाका विषयमा छलफल भएको थियो। कांग्रेस नेता बालकृष्ण खाण यही मुद्दामा पक्राउ परेपछि कांग्रेस छलफलमा जुटेको हो। बैठकमा खाणलाई निलम्बन गर्नुपर्ने माग उठे पनि त्यसमा सहमति जुटेन।