पटना गोलीकाण्डका अभियुक्त विराटनगरमा मृत फेला

विराटनगर । विराटनगरको एक होटलमा गत बिहीबार मृत फेला परेका व्यक्ति भारतस्थित बिहारको चर्चित पटना गोलीकाण्ड तथा खान ग्लोबल स्टडिजमा भएको तोडफोड घटनाका अभियुक्त प्रिन्सकुमार यादव रहेको खुलेको छ ।

विराटनगर–१० स्थित शुभ होटलको कोठामा बिहीबार उनी मृत फेला परेका थिए । प्रहरीका अनुसार उनी केही दिनदेखि सोही होटलमा बस्दै आएका थिए। मृतकसँग अन्य चार भारतीय नागरिक पनि होटलमा बसेका थिए। घटनापछि उनीहरूलाई नियन्त्रणमा लिएर अनुसन्धान सुरु गरिएको छ।