इजरायललाई हतियार आपूर्ति रोक्ने अमेरिकी विधेयकमा किन बढ्दै समर्थन ?

अमेरिका : अमेरिकी सांसद डेलिया रामिरेजले पहिलो पटक इजरायललाई संयुक्त राज्य अमेरिकाबाट हतियार पठाउन आंशिक प्रतिबन्ध लगाउने ‘ब्लक द बम्ब एक्ट’ घोषणा गर्दा केवल २१ जना डेमोक्र्याट सांसदहरूले मात्र उक्त प्रस्तावलाई समर्थन गरेका थिए ।

यो जुन २०२५ को कुरा हो । तर एक वर्षपछि अहिले उक्त विधेयकलाई समर्थन गर्ने सह–प्रायोजकहरूको संख्या ७३ पुगेको छ, जसलाई प्यालेस्टिनी अधिकार समर्थकहरूले ‘ऐतिहासिक’ प्रगति भनेका छन् । ‘केहीले यो विधेयक अत्यधिक ठाने पनि, यो वास्तवमा अहिले मुख्यधार बनिसकेको छ’, रामिरेजले बिहीबार कंग्रेस भवनमा पत्रकार सम्मेलनमा भनिन् ।