बागमती सरकारको लगानीमा गोदावरीमा बहुउद्देश्यीय रङ्गशाला बन्ने

मकवानपुर । बागमती प्रदेश सरकारले ललितपुरको गोदावरीमा बहुउद्देश्यीय रङ्गशाला निर्माण गर्ने भएको छ । प्रदेश सरकारको लगानीमा गोदावरी नगरपालिका–१०, टाहाखेलमा आधुनिक गोदावरी बहुउद्देश्यीय रङ्गशाला निर्माण हुने भएको हो।

बागमती प्रदेश सरकारको लगानीमा निर्माण हुन लागेको उक्त महत्त्वाकाङ्क्षी परियोजनाका लागि बागमती प्रदेश खेलकुद विकास परिषद्ले करिब ३२ करोड ४० लाख रुपैयाँ बराबरको बोलपत्र (टेन्डर) आह्वान गरेको छ ।