काठमाडौं महानगरको नीति तथा कार्यक्रम कस्तो ?

काठमाडौं महानगरपालिकाकी कार्यबाहक मेयर सुनिता डंगोलले आर्थिक वर्ष २०८२/८३ का लागि प्रस्तुत गरेको नीति तथा कार्यक्रमले काठमाडौंलाई केवल सेवा दिने स्थानीय तहबाट अगाडि बढाएर ‘स्मार्ट, समावेशी, सांस्कृतिक, हरित र अन्तर्राष्ट्रिय स्तरको सहर’ बनाउने महत्वाकांक्षी रोडम्याप अघि सारेको छ।

नीति तथा कार्यक्रम हेर्दा महानगरले पूर्वाधार निर्माणभन्दा पनि सहरी जीवनशैली, डिजिटल शासन, वातावरणीय व्यवस्थापन, सामाजिक समावेशिता र सांस्कृतिक अर्थतन्त्रलाई केन्द्रमा राखेको देखिन्छ। तर यो दस्तावेजले जति ठूलो दृष्टि प्रस्तुत गरेको छ, त्यसलाई कार्यान्वयन गर्ने वित्तीय क्षमता, संस्थागत तयारी र राजनीतिक निरन्तरतामाथि भने स्वाभाविक प्रश्न उठेका छन्।