आल्मेरियाविरुद्ध रियलको उत्कृष्ट पुनरागमन

काठमाडौँ — रियल म्याड्रिडले आइतबार स्पेनी ला लिगामा आल्मेरियामाथि उत्कृष्ट पुनरागमन जित रचेको छ । उसले दुई गोलले पछाडि रहेको स्थितिमा आल्मेरियालाई ३–२ ले हराएको हो ।

लिगमा जितहीन रहेको आल्मेरियाले बर्नाबाउमा अविश्वसनीय रूपमा २–० को अग्रता लिएको थियो । त्यसयता रियलका लागि जुड वेलिङघम, भिनिसियस जुनियर र डानी कारभाजानलले गोल गरे ।