त्रिकोणात्मक टी-२० सिरिज आजदेखि, पहिलो खेलमा नेपाल र नामिबिया भिड्दै

टी–२० आई त्रिकोणात्मक सिरिजमा नेपालले आज नामिबियासँग खेल्दैछ । नेपाल र नामिबियाबीचको खेल बिहान साढे ११ बजेदेखि कीर्तिपुरस्थित त्रिवि मैदानमा सुरु हुनेछ । सिरिजमा दुवै टिम सुखद सुरुवात गर्न चाहन्छन् ।

टी–२० आई खेल्नुअघि नेपालले आइतबार सम्पन्न एकदिवसीय सिरिजमा नामिबिया र नेदरल्याण्ड्ससँग खेलेको थियो । जहाँ नेपालले चारमध्ये एक खेलमा मात्र जित हात पार्‍यो । नेपालले एकदिवसीय सिरिजमा नामिबियासँग पहिलो खेलमा ४ तथा दोस्रो खेलमा २ विकेटको हार बेहोरेको थियो । नेपालसामु अब ओडिआई सिरिजमा बेहोरको हारको बदला टी–२० श्रृंखलामा लिने मौका छ ।