धम्नीहवामा भियतनामी भिक्षुले दिएको सन्देश

फोहोर र अस्तव्यस्त रहेका धम्नीहवास्थित दुई स्तूपको सरसफाई गरेर भियतनामी भिक्षुहरुले बौद्ध सम्पदाको वातावरण शान्त र सफा राख्नुपर्ने सन्देश दिएका छन्।

प्राचीन कपिलवस्तुको एक महत्त्वपूर्ण पुरातात्विक स्थल तिलौराकोटबाट केही दूरीमा रहेको धम्नीहवास्थित दुई स्तूप क्षेत्रमा ९५ जना भियतनामी तीर्थयात्रीको समूह पुग्यो। बौद्ध क्षेत्रमा बौद्ध तीर्थयात्री पुग्नु नौलो त होइन, तर त्यो दिन उनीहरू समाचारको विषय बने।