भद्रगोल विश्वविद्यालय

चरम राजनीतीकरणले थिलथिलो भएका विश्वविद्यालयहरूलाई थप भद्रगोल बनाउन विद्यार्थी संगठन र प्राध्यापकहरूको पनि योगदान, कतै विद्यार्थी र प्राध्यापक दुवैका ताला, कतै लामो समयदेखि उपकुलपतिसहितका पदाधिकारी रिक्त

सरकारको नेतृत्व गर्नेको प्राथमिकतामा शिक्षा नपर्दा विश्वविद्यालयहरूको अवस्था नाजुक भएको छ । तालाबन्दी मात्र होइन, पदाधिकारी नियुक्त नहुने, नीतिगत निर्णयमा सरकार वा विश्वविद्यालयका कुलपति तथा सहकुलपतिको चासो कम हुँदा उच्च शिक्षा भद्रगोल बन्दै गएको हो । प्रधानमन्त्री विश्वविद्यालयको कुलपति र शिक्षामन्त्री सहकुलपति रहने व्यवस्था छ ।