६ वर्षदेखि ‘सहकारी संकट’ ज्यूँका त्यूँ

काठमाडौं । देशभरका समस्याग्रस्त ठूला आकार २३ वटा सहकारी संस्थाको दायित्व तथा सम्पत्ति व्यवस्थापन गर्दै आएको ‘समस्याग्रस्त सहकारी व्यवस्थापन समिति’ गठन भएको ६ वर्ष पुग्दा पनि समस्या सुल्झिनुको सट्टा बल्झिएको बल्झियै छ ।

ओरेन्टल, स्ट्यान्डर्ड, प्यासिफिक, कोहिनुर हिल, कन्जुमर, कुबेरलगायतका सहकारीमा ठूलो अंकमा सर्वसाधारणको बचत फसेपछि बनेको समितिले ६ वर्षमा पनि समस्या समाधान गर्न नसक्दा विवादमा समेत परेको छ । समिति सञ्चालन, असुली, बचत फिर्ता, कानुनी कारबाही र मिलान प्रक्रियामा केही काम गरेको देखिएको भए पनि सहकारी संकटको मूल समस्या भने अझै जटिल रूपमै उभिएको छ । तर, सहकारी संकट समाधाननजिक पुगेको संकेत नदेखिएपछि पीडित बचतकर्ताको आक्रोश, समितिको बचाउ प्रयास र शासन संरचनाको कमजोरीबीच अहिले सहकारी क्षेत्र राष्ट्रिय संकटका रूपमा यथावत छ ।