ललितपुरका समितिका संयोजकहरूद्वारा कार्यपालिका बैठक बहिष्कार, आज नीति तथा कार्यक्रम पास गर्ने तयारी

ललितपुर । ललितपुर महानगरपालिकाका मेयर चिरिबाबु महर्जनले आफ्नै महानगरको प्रवक्तामाथि अपमानजनक व्यवहार गरेपछि महानगरको सातवटा समितिका संयोजकले नीति तथा कार्यक्रमबारे बोलाइएको बैठक बहिष्कार गरेका हुन् ।

ललितपुर महनगरपालिकाले बुधबार दिउँसो ३ बजेका लागि नीति तथा कार्यक्रमको अन्तिम मस्यौदामा छलफल गर्न कार्यपालिकाको बैठक बोलाएको थियो । तर, बैठकअघि बिहान ९ बजे सोही विषयमा छलफल गर्न बसेको बोर्डको बैठकमा मेयर महर्जनले नगर प्रहरी बलका सल्लाहकार सीताराम हाथेछुको बचाउमा महानगरका प्रवक्ता एवं सामाजिक विकास समितिका संयोजक राजु महर्जनलाई अपमानजनक शब्द प्रयोग गर्नुभएको थियो ।