‘गणपति’ मा जीवनका उतारचढाव

काठमाडौँ, साउन ३२ गते ।

चलचित्र ‘गणपति’ को ट्रेलर सार्वजनिक भएको छ । तीन मिनेट चार सेकेन्ड लामो ट्रेलरमा चलचित्रको कथावस्तु बुझाउने प्रयास गरिएको छ । एक व्यक्तिको अस्वाभाविक रूपमा जन्म, बाल्यकाल र युवावस्थामा आउने उतारचढावलाई ट्रेलरमा प्रस्तुत गरिएको छ । निःसन्तान दम्पतीलाई भगवान् गणेश जस्तो स्वरूपको पुत्रलाभ भएपछि आइपर्ने विविध परिस्थितिको कथा चलचित्रमा दर्शाउन खोजिएको छ ।