आँपस्वाराको अङ्कमाल

होमस्टे चलाएर जातीय विभेद विरुद्ध शालीन विद्रोह गरिरहेका आँपस्वाराका दलित समुदाय न्यानो आतिथ्य सहित पाहुनाको पर्खाइमा छन्।

मेरो जीवनको शब्दकोषमा ‘बोल्ड’ अक्षरमा लेखिएको शब्द हो, यात्रा। सम्झन नसक्ने उमेरदेखि नै म घुमन्ते बन्न पुगें। चुनौतीले घेरेपछि नयाँ जीवन शुरू गर्ने क्रममा मेरी आमा जहाँ जहाँ पुगिन्, मलाई साथमै लगिन्। हिमाली जिल्ला मुस्ताङमा जन्मेकी म तराई पुगें, र घामसँगै डढाएँ बालापन। त्यो मेरो जीवनको डढेकै समय थियो, किनकि आमाको चिता त्यहीं जल्यो।