नारायणहिटी गेट अगाडि काग सम्मेलन गर्दै दुलाल

काठमाडौँ । काग तिहारको अवसरमा बुधवार बिहान ‘२१औँ काग सम्मेलन’ गर्न लागिएको छ । विभिन्न जीवजन्तुको दुरुस्त आवाज निकाल्न पोख्त कलाकार रमेश दुलाल (कागे)ले उक्त सम्मेलन गर्न लागेका हुन् ।

राष्ट्रिय संगीतकर्मी संघ, केन्द्रीय समिति तथा ग्रीनसिटी अस्पताल बसुन्धाराको सहआयोजनामा हुन लागेको सम्मेलन बुधवार बिहान साढे ५ बजेका लागि तय भएको दुलालले बताए । उनका अनुसार नारायणहिटीको दक्षिणी गेट नजिक हुने उक्त सम्मेलनमा कागको दुरुस्त आवाज निकालेर सयौँ कागलाई भेला पार्ने लक्ष्य लिइएको छ ।