नियमित हिँड्दा कम हुन्छ आकस्मिक मृत्युको जोखिम

एक अध्ययनअनुसार दैनिक नियमित हिँड्नाले हृदय रोगको कारण हुने मृत्युदेखि अन्य विभिन्न कारणले हुने मृत्युको जोखिमलाई कम गर्न सकिन्छ। अध्ययनअनुसार दैनिक ३ हजार ९६७ पाइला हिँड्नाले शरीरलाई धेरै फाइदा पुग्छ भने कुनै पनि कारणले मृत्यु हुने खतरा कम हुन सक्छ।

विश्वभरका २ लाख २६ हजार ८८९ व्यक्तिमाथि गरिएको १७ फरक–फरक अधययनको निष्कर्षअनुसार व्यक्ति जति धेरै हिँडडुल गर्छ स्वास्थ्य लाभ पनि त्यति नै धेरै प्राप्त गर्न सकिन्छ।