गजेन्द्र र निर्मलाले जिते रेडपाण्डा म्याराथन

पाँचथर — लोपोन्मुख वन्यजन्तु रेडपाण्डा संरक्षणार्थ सन्देश दिने उद्देश्यले इलाममा आयोजित ४४.२ किलोमिटर दुरीको रेडपाण्डा म्याराथनको खुला पुरुषतर्फ आर्मीका गजेन्द्र राई र महिलातर्फ खोटाङकी धाविका निर्मला राई विजेता भएका छन् ।

१ हजार २ सय ८० मिटर उचाइमा रहेको इलाम सदरमुकाम इलामबजारदेखि ३ हजार ६ सय ३६ मिटर उचाइमा अवस्थित सन्दकपुर डाँडासम्मको दुरीमा भएको प्रतियोगिताका विजेता उनीहरूले जनही १ लाख ५० हजार रुपैयाँ पुरस्कार प्राप्त गरे ।