च्याम्पियन्स लिग यात्रा बलियो पार्दै मोनाको

एजेन्सी । युरोपियन शीर्ष लिगमध्येको एक फ्रेन्च लिग वानमा एएस मोनाकोले संघर्षपूर्ण जित निकाल्दै आफ्नो च्याम्पियन्स लिग यात्रालाई बलियो बनाएको छ । घरेलु मैदानमा मोनाकोले ब्रेष्टविरुद्ध ३-२ को संघर्षपूर्ण जित निकालेको हो । मोनाकोलाई जिताउन माघनेस एक्लैले दुई गोल गरे भने गोलोविनले एक गोल गरेका थिए । पाहुना टोली ब्रेष्ट दोस्रो आधी (हाफपछि) १० जनामा समेटिएर दबाबमा आए पनि थप एक गोल फर्काएको थियो ।

उसका लागि अतिरिक्त समयमा अजोर्क लुडोभिकले गोल गरेका हुन् । त्यसअघि ५०औं निमेटमा सिमा अब्दुल्लाले गोल गर्दै टोलीलाई लयमा पर्काएका थिए । यो जितसँगै मोनाकोले च्याम्पियन्स लिग यात्रालाई थप बलियो बनाएको छ । १२ खेलबाट २६ अंक जोडेको मोनाको अंक तालिकाको दोस्रो स्थानमा छ । शीर्षस्थानको पेरिस सेन्ट जर्मेनको समान खेलबाट ३२ अंक छ । हार व्यहोरेको ब्रेष्ट भने रेलिगेशन प्लेअफको डालोमा परेको छ ।