साफ १७ वर्षमुनिको महिला च्याम्पियनसिप फुटबलमा नेपालले भुटानलाई ५–० गोलले हरायो

काठमाण्डाै - साफ १७ वर्षमुनिको महिला च्याम्पियनसिप फुटबलमा नेपालले भुटानलाई हराएको छ । बङ्लादेशको ढाकामा हिजो भएको खेलमा नेपालले भुटानलाई ५–० गोलले हराएको हो ।

नेपालको जितमा वर्षा ओली र सेनु परियारले २–२ तथा दीपा रोकायाले एक गोल गरिन् । प्रतियोगितामा नेपालको यो दोस्रो खेल हो । नेपालले भुटानलाई हराएर २ खेलमा ३ अङ्क जोडेको छ । सोमवार भएको पहिलो खेलमा नेपाल भारतसँग ४–१ गोलले पराजित भएको थियो ।