अबको विकल्प विद्युतीय शवदाह गृह

पशुपति क्षेत्र विकास कोषले पशुपति आर्यघाटस्थित विद्युतीय शवदाह गृहमा अब निःशुल्क शवदाह गर्न पाउने व्यवस्था गर्ने भएको छ । पशुपति आर्यघाटमा अहिले दुईवटा विद्युतीय शवदाह गृह रहेको छ । संस्कृति, पर्यटन तथा नागरिक उड्डयन मन्त्रालयमा बसेको कोष सञ्चालक परिषद्को बैठकले थप चारवटा विद्युतीय शवदाह गृह व्यवस्था गर्ने निर्णय समेत गरेकाले अब सर्वसाधारणलाई शवदाह गर्न थप सहज हुने भएको छ ।

अहिले पशुपति आर्यघाटमा परिवारको इच्छाअनुसार दाउराको चितामा वा शवदाह गृहमा स्वेच्छाले गर्ने व्यवस्था छ । दाउराबाट शव जलाउँदा १५ हजार खर्च लाग्छ भने विद्युतीय शवदाह गृहमा शव जलाउँदा ४ हजार शुल्क तिर्नुपर्छ ।