भारतमा इजरायली पर्यटकसहित दुई महिला बलात्कृत : दुई अभियुक्त पक्राउ

भारतको कर्नाटकस्थित प्रसिद्ध पर्यटकीय स्थल हम्पीमा भएको जघन्य अपराधको घटनामा प्रहरीले दुई जनालाई पक्राउ गरेको छ। बिहीबार राति तुंगभद्रा नहरको किनारमा एक २७ वर्षीया इजरायली महिला पर्यटक र २९ वर्षीया होमस्टे सञ्चालकमाथि तीन जना पुरुषले सामूहिक बलात्कार गरेका थिए।

सोही घटनामा एक पुरुष पर्यटकको नहरमा डुबेर मृत्यु भएको थियो। प्रहरीले दुई अभियुक्तलाई नियन्त्रणमा लिएर तेस्रो फरार अभियुक्तको खोजी तीव्र पारेको जानकारी दिएको छ। कोप्पल जिल्लाका एसपी राम एल अरसिद्दीले बीबीसी हिन्दीलाई पक्राउको पुष्टि गर्दै भने, ‘पक्राउ परेका दुई अभियुक्त भवन निर्माणमा काम गर्ने मिस्त्री हुन् र उनीहरू कोप्पलको गंगावती तालुकाका बासिन्दा हुन्।’