दोर्पा चिउरीडाँडाले जित्यो फुटबल उपाधि

खोटाङ — नेर्पा भुलभुले अन्तरवडास्तरीय पुरुष फुटबल प्रतियोगिताको उपाधि दिक्तेल रुपाकोट मझुवागढी नगरपालिका–७ दोर्पा चिउरीडाँडाले चुमेको छ ।

शनिबार सम्पन्न दोस्रो संस्करणको प्रतियोगितामा आयोजक नेर्पा स्पोर्टस् क्लबको टिम ‘बी’ लाई २-१ ले पराजित गर्दै चिरीडाँडाले उपाधिमाथि कब्जा जमाएको हो । विजेताले १ लाख ५० हजार राशिसहित ट्रफी, मेडल र प्रमाणपत्र पाएको छ ।