बुटवल–नारायणगढ खण्डमा ४२ पुल निर्माण सम्पन्न

परासी — विस्तारका क्रममा रहेको बुटवल–नारायणगढ सडक खण्डमा ४२ वटा पुल निर्माण सम्पन्न भएका छन् । पूर्वी खण्डमा ३३ वटा र पश्चिम खण्डमा ९ वटा ठूला पुल निर्माणको काम सम्पन्न भएको हो । पश्चिम खण्डमा निर्माण गर्नुपर्ने ९ मध्ये सबैको काम सकिएको र पूर्वी खण्डमा एउटा मात्र पुल निर्माण हुन बाँकी छ ।

बुटवलदेखि दाउन्नेसम्ममा पुल निर्माणको काम सम्पन्न भएको र २ सय ५३ वटा कल्भर्ट निर्माण गर्नुपर्नेमा २ सय ४९ वटाको काम सकिएको छ । दाउन्ने खण्डमा ४ वटा कल्भर्ट निर्माणको कामले पनि तीव्रता लिएको छ ।