आन्तरिक ऋणमा सरकारको जोड

काठमाडौं : राजस्वले नियमित खर्च धान्न नसक्ने अवस्था आउने स्थिति भएपछि सरकारले आन्तरिक ऋण उठाउने क्रमलाई तीव्रता दिएको छ। आन्तरिक ऋण उठाउने अख्तियारी पाएको नेपाल राष्ट्र बैंकले नियमित ट्रेजरी बिल बिक्रीमार्फत आन्तरिक ऋण उठाउनुका साथै परिपक्व भएका बिललाई नवीकरण गरिरहेको छ।

नेपाल राष्ट्र बैंकले मंगलबार २० अर्ब २५ करोड रुपैयाँबराबरको ट्रेजरी बिल बिक्री गर्दैछ। ७ अर्ब २० करोड रुपैयाँको ३ सय ६४ दिने बिल नयाँ हो। बाँकी परिपक्व भएका बिल नवीकरण हुन लागेका हुन्। यी बिलको बोलकबोल सोमबार भएको थियो।