रास्वपा महामन्त्रीको अभिव्यक्तिप्रति त्रिवि स्ववियुको आपत्ति

काठमाडौँ । त्रिभुवन विश्वविद्यालय(त्रिवि) केन्द्रीय क्याम्पस कीर्तिपुरको स्वतन्त्र विद्यार्थी युनियन (स्ववियु) ले विश्वविद्यालयका नियुक्तिहरूमा राजनीतिक हस्तक्षेप र दलगत भागबन्डा हुन खोजेको भन्दै आपत्ति जनाएको छ।

सत्तारूढ दल राष्ट्रिय स्वतन्त्र पार्टी (रास्वपा) का महामन्त्री एवं प्रमुख सचेतक कविन्द्र बुर्लाकोटीले रास्वपाको झण्डा बोकेको वा भोट मागेको व्यक्तिलाई नियुक्तिमा १ नम्बर थप्ने भनी दिएको अभिव्यक्तिप्रति स्ववियुले आइतबार प्रेस विज्ञप्ति जारी गर्दै गम्भीर ध्यानाकर्षण भएको जनाएको हो।